24. “Бусдаар тэмцүүлэгчид ".

Нийтлэлч Алхана Болд. \дуусаагүй, ноорог\ 24. “Бусдаар тэмцүүлэгчид".

"Бэрэн" группын хариуцлагагүй үйлдлээс болж хятад ажилчид, Монголын үндсэрхэг үзэлтнүүдийн хооронд мөргөлдөөн үүсэх шахав" гэсэн гарчигтай мэдээ, сурвалжлага манай сайтуудаар явав.  

Гаднын, 3 дахь орныхон  бичиж байна уу гэмээр.

Чингис Хааны талбайд цалинаа шаардсан хятад ажилчид цуглаан хийхийг оролдсон тухай юм.

Үндсэрхэг гэх залууст л хамаатай,  тэдэнд л хэрэгтэй эх орон- Монгол Улс юм уу?! 

Эсвэл тэдгээр залуус Монголоо өмөөрөх ялтай юм уу?! Бусад монголчууд үзэгчид юм уу?

Бусдаар тэмцүүлэх сэжгийн араншин Монгол Улсад тархжээ. Тэмцэгчиддээ амжилт хүсэх, ерөөх нь бэртэгчин монголчуудын ичгүүргүй араншин болжээ.

Өөрийг нь доромжилбол, монгол хүн тэмцэнэ, үндэстнийг нь доромжилбол огт хөдлөхгүй...

Сүүлийн 20-иод жилийн турш албан ёсны ухуулагч-нийтлэлчдийн айлдсан нэг номлол сан нь -нүүдэлчид бол хар амиа бодсон амьдралтай-гээч юм. Малчин айлд очоод та нэг өдөр үз. Тэр хөндий, гол, уулын бүх хөршүүд нь орж гарна.  Социализмын хамтын хөдөлмөр тэднийг улам  ч хамтач болгосон.  Хотод та бид хажуу хөршийндөө орох нь битгий хэл, хажуугаар зөрөхдөө дөнгөж мэндтэй....

Украйны дүрвэгч гэх нэг залуу Улаанбаатарт явж байхтай нь би таарав.
-Чи хаанаас ирэв?
-Би Украйнаас ирлээ. Тэнд дайн болж байна. Тэгээд би тэндээс дүрвээд явж байна.
-Донецкийн БНУ гээчийн салан тусгаарлагчид Украйн Улсынхаа цэрэгтэй байлдаад байгааг  чи зөв гэж бодож байна вэ?
-Зөв. Байлдахгүй л бол Урайны арми тэднийг ална шүү дээ.
- Чи тэгээд байлдахгүй, хар амиа бодоод энд хүрээд ирсэн юм?
-Дайн бол шийдэл биш. Агуу их Ийсус гэдэг хүн л тусална.